​നിർമ്മാണ തൊഴിലാളികളുടെ പെൻഷനും ആനുകൂല്യങ്ങളും വർദ്ധിപ്പിക്കണമെന്ന് സിഐടിയു മേഖലാസമ്മേളനം.

മണാശ്ശേരി: നിർമ്മാണ തൊഴിലാളികളുടെ പെൻഷനും മറ്റ് ആനുകൂല്യങ്ങളും കാലോചിതമായി വർദ്ധിപ്പിക്കണമെന്നും, അവ സമയബന്ധിതമായി വിതരണം ചെയ്യാൻ സർക്കാർ നടപടി സ്വീകരിക്കണമെന്നും കേരള ആർട്ടിസാൻസ് യൂണിയൻ (സിഐടിയു) മണാശ്ശേരി മേഖലാസമ്മേളനം ആവശ്യപ്പെട്ടു.

​യൂണിയൻ ജില്ലാ കമ്മിറ്റിയംഗം പി.ടി ബാബു സമ്മേളനം ഉദ്ഘാടനം ചെയ്തു. കെ.ജി രാജൻ അധ്യക്ഷത വഹിച്ചു. ഏരിയാ സെക്രട്ടറി സജീവ് കുമാർ സംഘടനാ റിപ്പോർട്ടും രാജേഷ് പ്രവർത്തന റിപ്പോർട്ടും അവതരിപ്പിച്ചു.

സമ്മേളനത്തിൽ പുതിയ ഭാരവാഹികളെ തിരഞ്ഞെടുത്തു: ​പ്രസിഡന്റ്: രാജേഷ് ഇ, സെക്രട്ടറി: ഷിജീഷ് കെ.പി, ​ട്രഷറർ: മുരളീധരൻ എം.കെ. വിനോദ് കല്ലുവീട്ടിൽ നന്ദി രേഖപ്പെടുത്തി.