കാരശ്ശേരി പഞ്ചായത്ത് ഇടതു സ്ഥാനാർഥി പ്രഖ്യാപനം.

മുക്കം: കാരശ്ശേരി പ‍ഞ്ചായത്തിൽ ഇടത് മുന്നണി സ്ഥാനാർഥികളെ പ്രഖ്യാപിച്ചു. 20 വാർഡുകളുള്ള പഞ്ചായത്തിൽ 5 വാർഡുകളിൽ ഒഴികെയാണ് മുന്നണി സ്ഥാനാർഥികളെ പ്രഖ്യാപിച്ചത്. സിപിഐ, എൻസിപി പാർട്ടികൾ വിവിധ സീറ്റുകളിലും ആർജെഡിയു സിറ്റിങ് സീറ്റായ കുമാരനെല്ലൂർ ബ്ലോക്ക് ഡിവിഷനിലും മാത്രമാണ് മത്സരിക്കുക.

പ്രഖ്യാപിക്കപ്പെട്ട സ്ഥാനാർഥികളും വാർഡുകളും അബ്ദുല്ല കുമാരനെല്ലൂർ (കുമാരനെല്ലൂർ), എം ദിവ്യ (കാരമൂല), മിനി കണ്ണങ്കര (വല്ലത്തായ്പ്പാറ), സജി തോമസ് (ചുണ്ടത്തും പൊയിൽ), ജിപ്സ ജോബിൻ (തോട്ടക്കാട്), സുനില കണ്ണങ്കര (തേക്കംകുറ്റി), വി.പി ജമീല (അള്ളി), സരിത ചാമക്കാലയിൽ (കളരിക്കണ്ടി), എം.കെ സുബീന (മൈസൂർമല), സവാദ് ഇബ്രാഹിം (കറുത്തപറമ്പ്), ജി അബ്ദുൽ അക്ബർ (കക്കാട്), മുബഷിർ (കാരശ്ശേരി), കെ.എം ഹബീബ് (ചോണാട്), വയലിൽ മോയി (നോർത്ത് കാരശ്ശേരി), സുബൈദ മാളിയേക്കൽ (ആനയാംകുന്ന്) ഇവരാണ്.

ഇതിൽ വി.പി ജമീല ജില്ലാ പഞ്ചായത്ത് സ്ഥിരം സമിതി അധ്യക്ഷയും മുൻ കാരശ്ശേരി പഞ്ചായത്ത് വൈസ് പ്രസിഡന്റുമാണ്. അബ്ദുല്ല കുമാരനെല്ലൂർ മന്ത്രി എ.കെ ശശീന്ദ്രന്റെ പഴ്സനൽ സ്റ്റാഫ് അംഗവും പഞ്ചായത്തിലെ മുൻ സ്ഥിരം സമിതി അധ്യക്ഷനുമാണ്.

കാരശ്ശേരി പഞ്ചായത്തിൽ പെട്ട കുമാരനെല്ലൂർ ബ്ലോക്ക് ഡിവിഷനിൽ ആർജെഡിയുടെ അസീസ് പാലാട്ട് ഇടതുമുന്നണി സ്ഥാനാർഥിയാകും. പുതുതായി രൂപീകരിച്ച കാരശ്ശേരി ജില്ലാ പഞ്ചായത്ത് ഡിവിഷനിൽ സിപിഎമ്മിലെ നാസർ കൊളായി മത്സരിക്കും.