സ്പീഡ് നിയന്ത്രണ ബാരിക്കേഡ് സ്ഥാപിച്ചു.

കൊടിയത്തൂർ: മണാശ്ശേരി - കൊടിയത്തൂർ - ചുള്ളിക്കാപറമ്പ് റോഡിൽ വാഹനങ്ങൾ അതിവേഗതയിൽ പോകുമ്പോൾ അപകട സാധ്യത കണക്കിലെടുത്ത് സൗത്ത് കൊടിയത്തൂർ എ യു പി സ്കൂളിന് മുൻവശത്ത് വേഗത നിയന്ത്രണ ബാരിക്കേഡ് സ്ഥാപിച്ചു.

1000 ത്തിൽ അധികം കുട്ടികൾ പഠിക്കുന്ന സ്കൂൾ സ്ഥിതി ചെയ്യുന്ന ഈ പ്രദേശത്ത് വാഹനങ്ങൾ അമിത വേഗതയിൽ ഓടിക്കുന്നത് നിത്യസംഭവമാണ്, തൊട്ടടുത്ത ദിവസങ്ങളിൽ തുടർച്ചയായി അപകടങ്ങൾ നടന്നിരുന്നു. സ്കൂൾ മാനേജർ ഇ യഅക്കൂബ് ഫൈസിയുടെ അധ്യക്ഷതയിൽ മുക്കം പോലീസ് എസ് എച്ച് ഒ അൻഷാദ് എസ് ഉദ്ഘാടനം ചെയ്തു.

ഹെഡ്മിസ്ട്രസ് എ.കെ കദീജ, പി.ടി.എ പ്രസിഡന്റ് സി.ടി കുഞ്ഞോയി, പി.സി മുജീബ് റഹിമാൻ, പി.പി മമ്മദ് കുട്ടി, സി.കെ അഹമ്മദ് ബഷീർ എന്നിവർ സംസാരിച്ചു. സൗത്ത് കൊടിയത്തൂർ എ.യു.പി സ്കൂളാണ് ബാരിക്കേഡ് നിർമ്മിച്ചു നൽകിയത്.