സര്വേ കല്ലുകള് പിഴുതു മാറ്റിയാല് കേരളത്തില് പദ്ധതി ഇല്ലാതാവില്ല. കേരളത്തിലെ കോണ്ഗ്രസിന് യുദ്ധം ചെയ്യാനുള്ള കെല്പ്പ് ഒന്നുമില്ല. യുദ്ധസന്നാഹമൊരുക്കുമെന്നത് വീരസ്യം പറച്ചില് മാത്രമാണെന്നും കെപിസിസി അധ്യക്ഷന് കെ സുധാകരനുള്ള മറുപടിയായി കോടിയേരി വ്യക്തമാക്കി. കല്ലുകള് പിഴുതു മാറ്റിയാല് സര്ക്കാര് നിയമ നടപടി സ്വീകരിക്കുമെന്നും അദ്ദേഹം ചൂണ്ടിക്കാട്ടി.
കെ റെയിലിന് എതിരെയുള്ള പ്രക്ഷോഭങ്ങള് ശക്തമാക്കാന് യുഡിഎഫ് തീരുമാനം എടുത്തതിന് പിന്നാലെയാണ് കോടിയേരി സര്വേ കല്ലുകള് പിഴുതുമാറ്റിയതുള്പ്പെടെ യുഡിഎഫിന് എതിരെ ഉപയോഗിക്കുന്നത്. യുഡിഎഫ് ഉന്നതാധികാരസമിതി യോഗം ഇന്ന് തിരുവനന്തപുരത്ത് ചേരുന്ന സാഹചര്യത്തില് കൂടിയാണ് കോടിയേകി യുഡിഎഫിന് എതിരെ രംഗത്ത് എത്തുന്നത്. കെ റെയിലിന് എതിരെ പ്രതിഷേധ പരിപാടികള്ക്ക് രൂപം നല്കാനാണ് ഇന്ന് യുഡിഎഫ് യോഗം ചേരുന്നത്. സര്ക്കാര് പദ്ധതിയുമായി മുന്നോട്ടു പോകുന്ന സാഹചര്യത്തില് പ്രതിഷേധം കടുപ്പിക്കാനാണ് യുഡിഎഫ് തീരുമാനം.. പദ്ധതിക്കെതിരെ വീടുകയറിയുള്ള പ്രചാരണങ്ങള് സംഘടിപ്പിക്കുന്നത് അടക്കം ഇന്നത്തെ യോഗത്തില് ചര്ച്ച ചെയ്യും. മുഖ്യമന്ത്രി നേരിട്ട് പൗര പ്രമുഖരുടെ യോഗം വിളിച്ചു ചേര്ക്കുന്ന സാഹചര്യത്തിലാണ് അടിയന്തരമായി യോഗം വിളിച്ചു ചേര്ത്തിരിക്കുന്നത്.
അതിനിടെ, സിപിഐഎം ഇടുക്കി ജില്ലാ സമ്മേളനത്തില് ആഭ്യന്തര വകുപ്പിനെതിരെ വ്യാപ വിമര്ശനങ്ങള് ഉയര്ന്നെന്ന വാര്ത്തകള് മാധ്യമ സൃഷ്ടിയാണെന്നും കോടിയേരി ബാലകൃഷ്ണന് കുറ്റപ്പെടുത്തി. ആഭ്യന്തര വകുപ്പിന് പ്രത്യേക മന്ത്രി വേണമെന്ന സമ്മേളന പ്രതിനിധികളില് നിന്നും ആവശ്യം ഉയര്ന്നിട്ടില്ല. വാര്ത്തകള് ചില മാധ്യമങ്ങള് വക്രീകരിച്ച് നല്കുകയായിരുന്നു. പൊലീസിനെതിരെ ഹൈക്കോടതി വിമര്ശനം ഉന്നയിക്കുന്നത് ഇതാദ്യമല്ലെന്നും കോടിയേരി ചൂണ്ടിക്കാട്ടി.
