ന്യൂഡല്ഹി: ഇന്ത്യയില് ടെലഗ്രാമിന് നിരോധനമേര്പ്പെടുത്തി കേന്ദ്രസര്ക്കാര്. ജൂണ് 22 വരെയാണ് നിരോധനം. നീറ്റ് പരീക്ഷ പൂര്ത്തിയാകുന്നത് വരെ നിരോധനമുണ്ടാവും. വ്യാജ ചോദ്യപേപ്പറുകള് പ്രചരിക്കുന്നത് തടയുന്നതിന് വേണ്ടിയാണ് കേന്ദ്ര സര്ക്കാര് നടപടി.
നാഷണല് ടെസ്റ്റിങ് ഏജന്സിയുടെ നിര്ദേശപ്രകാരം മിനിസ്ട്രി ഓഫ് ഇലക്ട്രോണിക്സ് ആന്ഡ് ഇന്ഫര്മേഷന് ടെക്നോളജിയാണ് നിരോധനമേര്പ്പെടുത്തിയത്. ജൂണ് 30 വരെ മെസ്സേജ് എഡിറ്റിങ് സംവിധാനം നിര്ത്തിവെക്കാനും കേന്ദ്രസര്ക്കാര് ഉത്തരവിട്ടിട്ടുണ്ട്.
ടെലഗ്രാം ഉയോഗിച്ച് വലിയ രീതിയില് വ്യാജ ചോദ്യപേപ്പറുകള് പ്രചരിപ്പിക്കുന്നുവെന്ന ആരോപണത്തെ തുടര്ന്നാണ് നിരോധനമേര്പ്പെടുത്താന് എന്ടിഎ നിര്ദേശിച്ചത്. കേന്ദ്ര സര്ക്കാര് നടപടിയെ എന്ടിഎ സ്വാഗതം ചെയ്യുകയും ചെയ്തിട്ടുണ്ട്. ജൂണ് 21നാണ് നീറ്റിന്റെ പുനപരീക്ഷ നടക്കുന്നത്.
നീറ്റ് പുനപരീക്ഷ റദ്ദാക്കണമെന്നാവശ്യപ്പെട്ട് സുപ്രീം കോടതിയില് ഹരജി സമര്പ്പിച്ചിരുന്നു. ഡോ. മംഗള കോഹ്ലി ആണ് ഹരജി സമര്പ്പിച്ചത്. ചിലയിടങ്ങളിലെ ക്രമക്കേട് ചൂണ്ടിക്കാട്ടി മുന് പരീക്ഷ റദ്ദാക്കിയത് നിയമവിരുദ്ധമാണെന്നാണ് ഹരജിയിലെ വാദം.
അതിനിടെ പുനപരീക്ഷ ഒരുമാസം കൂടിനീട്ടണമെന്നാവശ്യപ്പെട്ട് ഒരു കൂട്ടം വിദ്യാര്ഥികള് അഭിഭാഷകന് വിനീത് ജിന്ഡാല് വഴി എന്ടിഎക്ക് നിവേദനം നല്കി.
മെയ് മൂന്നിന് നടന്ന നീറ്റ് യുജി പരീക്ഷ റദ്ദാക്കിയിരുന്നു. ചോദ്യപേപ്പര് ചോര്ന്നെന്ന ആരോപണത്തെ തുടര്ന്നാണ് പരീക്ഷ റദ്ദാക്കിയത്. ഏകദേശം 24 ലക്ഷത്തോളം വിദ്യാര്ഥികളാണ് മെയ് മൂന്നിന് നടന്ന നീറ്റ് പരീഷ എഴുതിയത്.
ടെലിഗ്രാം ഇനി പ്ലേ സ്റ്റോറിൽ ലഭ്യമല്ല’; ഗൂഗിൾ പ്ലേ സ്റ്റോറിൽ നിന്ന് നീക്കം ചെയ്തു.
ടെലിഗ്രാം ഇനി ഗൂഗിൾ പ്ലേ സ്റ്റോറിൽ ലഭ്യമല്ല. ഗൂഗിൾ പ്ലേ സ്റ്റോറിൽ നിന്ന് ടെലിഗ്രാം നീക്കം ചെയ്തു. പുതിയതായി ഡൗൺലോഡ് ചെയ്യാനും സാധിക്കില്ല. സർക്കാർ ഏർപ്പെടുത്തിയ നിയന്ത്രണങ്ങളെ തുടർന്ന് ആണ് നടപടി. നീറ്റ് യുജി പുനഃപരീക്ഷയ്ക്ക് മുന്നോടിയായി ടെലിഗ്രാമിന്റെ പ്രവര്ത്തനം താത്കാലികമായി കേന്ദ്രസര്ക്കാര് നിരോധിച്ച് ഉത്തരവിറക്കിയിരുന്നു.
ജൂണ് 22 വരെ വരെയാണ് നിരോധനം ഏര്പ്പെടുത്തിയിരിക്കുന്നത്. ടെലിഗ്രാമിലെ മെസേജ് എഡിറ്റിങ് ഫീച്ചറും ജൂണ് 30 വരെ പ്രവര്ത്തിക്കില്ല.ചോദ്യപേപ്പര് ചോര്ച്ച തടയുന്നതിന്റെ ഭാഗമായാണ് കേന്ദ്രത്തിന്റെ നീക്കം. ജൂണ് 21നാണ് എന്ടിഎ പുനഃപരീക്ഷ നടത്താന് തീരുമാനിച്ചിട്ടുള്ളത്. പരീക്ഷയ്ക്ക് മുന്നോടിയായി ടെലിഗ്രാം പ്ലാറ്റ്ഫോമിന് താല്ക്കാലിക നിയന്ത്രണങ്ങള് ഏര്പ്പെടുത്താനുള്ള കേന്ദ്ര തീരുമാനത്തെ എന്ടിഎ സ്വാഗതം ചെയ്തു.
ടെലിഗ്രാമിന് താല്ക്കാലിക നിയന്ത്രണം ഏര്പ്പെടുത്തുന്നതായി ഇലക്ട്രോണിക്സ് ആന്ഡ് ഇന്ഫര്മേഷന് ടെക്നോളജി മന്ത്രാലയം നിര്ദേശിച്ചതായി എന്ടിഎ പ്രസ്താവനയില് പറഞ്ഞു. ജൂണ് 30 വരെ ഇന്ത്യയില് പ്ലാറ്റ്ഫോമില് മെസേജ് എഡിറ്റിങ് ഫീച്ചര് ലഭ്യമാക്കരുതെന്നും മന്ത്രാലയം പ്ലാറ്റ്ഫോമിനോട് നിര്ദേശിച്ചു. എന്ടിഎ അറിയിച്ചു.
Tags:
TECH
