ഹരിയാനയിലെയും, ഉത്തർ പ്രദേശിലേയും തൊഴിലാളി സമരത്തിന് ഐക്യദാർഢ്യം: മുക്കത്ത് പ്രതിഷേധ പ്രകടനവും പൊതുയോഗവും സംഘടിപ്പിച്ചു.

മുക്കം: ഹരിയാനയിൽ തൊഴിലാളികൾ നടത്തിവരുന്ന സമരത്തിന് ഐക്യദാർഢ്യം പ്രഖ്യാപിച്ച് മുക്കം നഗരസഭ സി.ഐ.ടി.യു കമ്മിറ്റിയുടെ നേതൃത്വത്തിൽ പ്രതിഷേധ പ്രകടനവും പൊതുയോഗവും നടത്തി. മുക്കം ടൗണിൽ നടന്ന വിശദീകരണ പൊതുയോഗം സി.ഐ.ടി.യു ഏരിയ പ്രസിഡന്റ് കെ.ടി ബിനു ഉദ്ഘാടനം ചെയ്തു.

​തൊഴിലാളികളുടെ അവകാശങ്ങൾ സംരക്ഷിക്കപ്പെടണമെന്നും കേന്ദ്ര - സംസ്ഥാന സർക്കാരുകളുടെ തൊഴിലാളി വിരുദ്ധ നയങ്ങൾ തിരുത്തണമെന്നും പൊതുയോഗം ആവശ്യപ്പെട്ടു. 

ചടങ്ങിൽ വിവിധ നേതാക്കളായ പി ലിസിത, പി.ടി ബാബു, എം ഷിംജില, എം സുഭാഷ്, കെ ബാബു, ജലീൽ കാരശ്ശേരി എന്നിവർ സംസാരിച്ചു.