സുന്നി ആദർശ സമ്മേളനം ഇന്ന് 07 മണിക്ക് ചെറുവാടിയിൽ.

കൊടിയത്തൂർ: സമസ്ത കൊടിയത്തൂർ പഞ്ചായത്ത് കോ ഓഡിനേഷൻ കമ്മിറ്റി സംഘടിപ്പിക്കുന്ന സുന്നി ആദർശ സമ്മേളനം ഇന്ന് ചെറുവാടി ഖിലാഫത്ത് സ്റ്റേഡിയത്തിൽ നടക്കുമെന്ന് സ്വാഗത സംഘം ഭാരവാഹികൾ വാർത്താ സമ്മേളനത്തിൽ അറിയിച്ചു.

നൂറാം വാർഷികത്തിന് തയാറെടുക്കുന്ന സമസ്തയുടെ ആശയാദർശങ്ങളുടെ പ്രചാരണം ലക്ഷ്യമാക്കിയും നവീന ആശയക്കാരുടെ വൈരുധ്യങ്ങളും ആദർശ പാപ്പരത്വങ്ങളും തുറന്ന് കാണിക്കുന്നതിനും വേണ്ടി യാണ് സമ്മേളനം സംഘടിപ്പി ക്കുന്നത്.

വൈകിട്ട് ഏഴിന് സമസ്ത സെക്രട്ടറി കെ ഉമർ ഫൈസി മുക്കം ഉദ്ഘാടനം ചെയ്യും. സ്വാഗതസംഘം ചെയർമാൻ കെ മോയിൻകുട്ടി മാസ്റ്റർ അധ്യക്ഷനാകും. എസ്.കെ.എസ്.എസ്. എഫ് സംസ്ഥാന വൈസ് പ്രസിഡന്റ് സത്താർ പന്തലൂർ മുഖ്യപ്ര ഭാഷണം നടത്തും. മുസ്തഫ അശ്റഫി കക്കുപടി വിഷയാവതരണം നടത്തും.

വാർത്താസമ്മേളനത്തിൽ സ്വാഗതസംഘം ചെയർമാൻ കെ മോയിൻകുട്ടി മാസ്റ്റർ, സി.കെ ബീരാൻ കുട്ടി, വൈത്തല അബുബക്കർ, കെ സാദിഖ് ചെറുവാടി, മുഹമ്മദ് ശരീഫ് അമ്പലക്കണ്ടി, അസീസ് ചാത്തപറമ്പ് എന്നിവർ പങ്കെടുത്തു.