കൊടിയത്തൂർ : കൊടിയത്തൂർ ഗ്രാമപഞ്ചായത്ത് വൈസ് പ്രസിഡന്റായി ശിഹാബ് മാട്ടുമുറി തെരഞ്ഞെടുത്തു.
വൈസ് പ്രസിഡന്റായിരുന്ന ബാബു പൊലുകുന്നത്ത് രാജിവെച്ച ഒഴിവിലേക്ക് കോണ്ഗ്രസിലെ മൂന്നാം വാര്ഡ് അംഗം ശിഹാബ് മാട്ടുമുറിയെ തെരഞ്ഞെടുക്കപ്പെട്ടത്.
യു.ഡി.എഫ് മുന്നണി ധാരണപ്രകാരം ആദ്യ രണ്ടര വര്ഷം കോണ്ഗ്രസിനാണ് വൈസ് പ്രസിഡന്റ് സ്ഥാനം. ഇതില് ഒന്നേകാല് വര്ഷം കരീം പഴങ്കലിനും തുടര്ന്ന് ബാബു പൊലുകുന്നത്തിനും നല്കിയതായിരുന്നു.
ആദ്യ ഒന്നേ കാല് വര്ഷത്തിന് ശേഷം കരീം പഴങ്കല് രാജിവെച്ചതിനെ തുടര്ന്ന് ഇക്കഴിഞ്ഞ ഏപ്രില് 20നാണ് ബാബു വൈസ് പ്രസിഡന്റായി ചുമതലയേറ്റത്. ഇതിനിടയിലാണ് മുക്കുപണ്ട കേസില് പ്രതിയായത്.
പതിനാറംഗ ഭരണസമിതിയില് യു.ഡി.എഫിന് 14 അംഗങ്ങളുണ്ട്. ഇന്ന് പതിനൊന്ന് മണിക്ക് പഞ്ചായത്ത് ഹാളിലാണ് തെരഞ്ഞെടുപ്പ് നടന്നത്
Tags:
KODIYATHUR
