മുസ്ലീം സ്ത്രീകളെ ആപ്പിലാക്കി ഈ ആപ്പ്: ബുള്ളി ബായിന് എന്തിന് നിരോധനം? സോഷ്യൽ മീഡിയയിൽ വൻ വിവാദം

ഡൽഹി: 'ബുള്ളി ബായ്' ആപ്പ് ഇപ്പോൾ സോഷ്യൽ മീഡിയയിൽ അടക്കം വൻ ചർച്ചകൾക്ക് വഴിയൊരുക്കിയിരിക്കുകയാണ്. ഒരു വിവര ശേഖരണത്തിന്റെ കലവറയായി സൃഷ്ടിച്ച ആപ്പാണ് 'ബുള്ളി ബായ്'.

എന്നാൽ, ആ ആപ്പ് മുസ്ലീം സ്ത്രീകളുടെ ഫോട്ടോകൾ അവരുടെ സമ്മതമില്ലാതെ അപ്‌ലോഡ് ചെയ്യുന്നു എന്നതാണ് ആപ്പിനെതിരെ വിവാദം ആയത്. ഇത് സോഷ്യൽ മീഡിയയിൽ വലിയ രോഷത്തിന് കാരണമായി.

'സുള്ളി ഡീൽസ്' എന്ന ആപ്പ് മാസങ്ങൾക്ക് ശേഷം 'ബുള്ളി ബായ്' എന്ന പേരിൽ സൃഷ്ടിച്ചിച്ചു. തുടർന്ന് ഈ ആപ്പ് മുസ്ലീം സ്ത്രീകളുടെ ചിത്രങ്ങൾ ലേലം ചെയ്യുന്നു എന്ന് കണ്ടെത്തി.

ഇതിലൂടെ നൂറു കണക്കിന് മുസ്ലീം സ്ത്രീകളുടെ ഫോട്ടോകൾ സോഷ്യൽ മീഡിയ അക്കൗണ്ടുകളിൽ നിന്ന് അപ്ലോഡ് ചെയ്യുകയും ലേലം ചെയ്യുകയും ചെയ്തു. ഇതിന് പിന്നാലെ, സോഷ്യൽ മീഡിയയിൽ വൻ പ്രതിഷേധത്തെ തുടർന്ന് ആപ്പ് പിൻവലിച്ചു. അതേ സമയം, ഇന്നലെ, ഒരു വനിതാ ജേണലിസ്റ്റ് ബുള്ളി ബായ് ആപ്പിൽ 'ഡീൽ ഓഫ് ദി ഡേ' ആയി നിൽക്കുന്ന ചിത്രം പങ്കുവച്ചു. ' ഒരു മുസ്ലീം സ്ത്രീ എന്ന നിലയിൽ ഈ ഭയവും വെറുപ്പോടെ നിങ്ങൾ പുതുവർഷം ആരംഭിക്കേണ്ടി വരുന്നത് വളരെ സങ്കടകരമാണെന്ന്' മാധ്യമ പ്രവർത്തകൻ ട്വിറ്ററിൽ കുറിച്ചു

അതേസമയം, ' ഇത് ഒരു സൈബർ കുറ്റ കൃത്യം ആണ്. ഉടനടി നടപടി എടുക്കാൻ ഞാൻ പോലീസിനോട് ആവശ്യപ്പെടുന്നു. കുറ്റവാളികൾ മാതൃകാ പരവും മാന്യവുമായ ശിക്ഷ അർഹിക്കുന്നു,' കോൺഗ്രസ് നേതാവ് ശശി തരൂർ ട്വിറ്ററിൽ കുറിച്ചു.